মন হীৰা দৈ
Assamese Song: Mon Hira Doi
Album: Bowari
Singer: Mahananda Majinder Borua
Music Director: Upen
Kakati
Year: 1979
মন হীৰা দৈ ডেকা নহয় পিলিঙা
ৰহ ঢলা পথাৰত, আহিবা ঐ নিজানত
মন হীৰা দৈ তোমাৰনো কুমলীয়া মাত ।
মন হীৰা দৈ গাভৰু নহয় লহঙা
মন হীৰা দৈ পীৰিতি নহয় মহঙা
মেলেঙৰে বজাৰত, ঢেঁকীয়ালৰ কলহত
মন হীৰা দৈ গুৰৰ বজাৰ আঁহতৰ ছাঁত ।
মন হীৰা দৈ বোৱাৰী নহয় যখিনী
বেমাৰ নহয় গ্ৰহণী
ভাত নহয় অমাতৰ মাত ।
অ’ মন হীৰা দৈ ছোৱালী নহয় ঢেপেচী,
এচাৰি নহয় লেকেচি, নজৰ পালে এৰাব আন ।
মন হীৰা দৈ কুলি-কেতেকীৰ মিঠা মাতৰ সুৰেৰে
কুলি-কেতেকীৰ মিঠা মাতৰ সুৰেৰে
কি কথা মোক কৈছিলা নৈৰে ঐ ঘাটতে ।
নেপায় নহয় ঠগিব, জীৱন ধংস কৰিব
প্ৰলয় হ’লে পৰিব বিনা মেঘে ব্ৰজপাত
মন হীৰা দৈ জিৰাবাহি যৌৱনৰে ছাঁত ।
মন হীৰা দৈ মাত নহয় মুৰুলী
হাঁহি নহয় বিজুলী, দেহা নহয় বিৰিণাৰ পাত
মন হীৰা দৈ সাতদিনিয়া বহাগত
নাচিবা ঐ উলাহত, পীৰিতিৰে লগাবা মাত ।
মন হীৰা দৈ জাঁজী নৈ চনমা, বিহু কৰোঁ আহা
হাততে টকাটি মুখতে হাঁহিটি, জীৱন কিনো মোহনীয়া
কিনো মোহনীয়া মাত ।
অ’ কলাকৈ কুলিয়ে জীৱন জাঁজী নৈ চনমা
এ কেনেকৈ জানিলে জীৱন জাঁজী নৈ চনমা
কলাকৈ কুলিয়ে জীৱন জাঁজী নৈ চনমা
এ কেনেকৈ জানিলে জীৱন জাঁজী নৈ চনমা
মেলিলে আমৰে, মেলিলে আমৰে পাত ।
মন হীৰা দৈ চাইকেল নহয় টিলিঙা ।।
