আপুনি ভগৱানৰ লীলাত বিশ্বাস কৰেনে ? তেন্তে জানক, ভুৱনেশ্বৰৰ ওচৰৰ অঞ্চলৰ গোপীনাথপুৰৰ বাসিন্দাসকলে এতিয়া ইয়াৰ ওপৰত দৃঢ় বিশ্বাস।
মন্দিৰৰ পৰা কিছু অলংকাৰ চুৰি কৰি অনা চোৰে ৯ বছৰৰ পাছত চুৰি হোৱা সামগ্ৰী ঘূৰাই দিয়াৰ পিছত এনে বিশ্বাস অধিক শক্তিশালী হৈছে। কেৱল এয়াই নহয়, মন্দিৰৰ পুৰোহিতৰ বাবে ২০০ টকা আৰু অপৰাধৰ শাস্তি হিচাপে ১০০ টকাৰ এখন চিঠি, ‘দক্ষিনা’ (দান)ও এৰি থৈ গৈছিল চোৰে।
খবৰ অনুসৰি ২০১৪ চনত গোপীনাথপুৰ মন্দিৰত ৰাধা-কৃষ্ণৰ ৰূপৰ অলংকাৰ চুৰি হৈছিল।আৰক্ষীত অভিযোগ দাখিল কৰি তালাচী চলোৱাৰ পিছতো গাঁওবাসীয়ে চোৰৰ বিষয়ে কোনো তথ্য লাভ কৰিব পৰা নাছিল বা চুৰি হোৱা অলংকাৰ কেতিয়াও উদ্ধাৰ কৰিব পৰা নাছিল।
‘এয়া এক অলৌকিকতাতকৈ কম নহয় কিয়নো আমি চুৰি হোৱা সম্পত্তি ঘূৰাই পাম বুলি আশা এৰি থৈ গৈছিলোঁ। যজ্ঞৰ সময়তে পুৰোহিতজন ওচৰৰ মন্দিৰলৈ যোৱাৰ সময়ত চোৰে ভগৱানৰ অলংকাৰ চুৰি কৰিছিল।’-এইদৰে কয় স্থানীয় বাসিন্দা Sashibhusan Mohanty এ।
মন্দিৰৰ পুৰোহিত, কৈলাশ পাণ্ডাই কয়, “চোৰটোৱে এখন চিঠি এৰি থৈ গৈছে আৰু দাবী কৰিছে যে তেওঁ এই অপৰাধৰ বাবে ভগৱানৰ পৰা বহু শাস্তি পাইছে। কিছু দক্ষিণা আৰু জৰিমনাও এৰি থৈ গৈছে।”
0 Comments:
Post a Comment